WhatsApp-ն այսուհետ օգտատերերին հնարավորություն կտա հաղորդագրությունները խմբագրել դրանք ուղարկելուց հետո 15 րոպեի ընթացքում:
Տառասխալը շտկելու կամ տեքստը փոխելու համար հարկավոր է սեղմել հաղորդագրության վրա և սեղմած պահելով ընտրել «Խմբագրել» տարբերակը, ասվում է ընկերության բլոգում։ Զրուցակիցը չի կարողանա տեսնել փոփոխությունների պատմությունը։
Գործառույթը աստիճանաբար կներդրվի բոլոր օգտատերերի համար՝ սկսած 2023-ի մայիսի 22-ից: Այն, որ ընկերությունն աշխատում էր նոր հնարավորության վրա, լրատվամիջոցները հայտնել էին դեռ 2022-ի հունիսին։
Սա մեսենջերի երրորդ թարմացումն է մեկ ամսվա ընթացքում։ Մինչ այս WhatsApp-ն ավելացրել է մեկ ընտրությամբ հարցումներ և լուսանկարների ենթագրերը վերահասցեավորելու հնարավորություն, ինչպես նաև թույլ է տալիս չաթերը տեղափոխել «գաղտնաբառով պաշտպանված» թղթապանակ:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
