Areg.AI հարթակը ներդրվել է Bari Arev 1 արևային էլեկտրակայանում։ Այն գտնվում է Արագածոտնի մարզում և ունի 6.159 ՄՎտ հզորություն։
Areg.AI-ի ինտելեկտուալ մոնիթորինգի և օպտիմալացման հարթակը կբարելավի կայանի արդյունավետությունը՝ առաջադեմ վերլուծության, կանխատեսողական սպասարկման, խափանումների ավելի արագ հայտնաբերման և բարելավված աշխատանքի միջոցով։
Ընկերության գնահատմամբ՝ լուծումը նպատակ ունի ապահովել՝
- Էներգիայի արտադրության առնվազն 10% աճ
- Ծախսերի առնվազն 15% կրճատում
- Արևային կայանի կայունության և դիմակայունության բարձրացում։
Areg.AI-ը մշակում է AI և ռոբոտաշինական լուծումներ, որոնք նպատակ ունեն արևային կայանները վերածել առավել ինքնավար և ինքնակառավարվող էներգետիկ համակարգերի։ Areg.AI-ի հարթակը միավորում է մոնիթորինգը, աշխատանքային առաջադրանքների կառավարումը, պահեստային պաշարների վերահսկումը և հաշվետվությունների պատրաստումը՝ ավտոմատացնելով առօրյա գործառույթները և տվյալահեն որոշումների միջոցով բարձրացնելով կայանների արդյունավետությունը։
Հարթակի հիմքում AI-ով աշխատող ERP համակարգն է, որը համադրում է թվային երկվորյակների (digital twins) տեխնոլոգիան, կանխատեսող վերլուծությունը, դաշտային աշխատանքների ավտոմատացումը և ֆինանսական մոդելավորումը։ Ընկերության գնահատմամբ՝ այս մոտեցումը հնարավորություն է տալիս նվազեցնել սարքավորումների անգործության ժամանակը, կրճատել շահագործման և սպասարկման ծախսերը, ինչպես նաև բարձրացնել էներգիայի արտադրության ծավալները։ցնել էներգիայի արտադրության ծավալները։
