Ձեր ավտոմեքենայի տարեկան գույքահարկի հաշվարկը՝ վայրկյանների ընթացքում: Մեր հաշվիչը նախատեսված է բոլոր տեսակի տրանսպորտային միջոցների համար՝ մարդատար ավտոմեքենաներ, բեռնատարներ և էլեկտրամոբիլներ: Համակարգը հաշվի է առնում ՀՀ օրենսդրության վերջին փոփոխությունները, ներառյալ էլեկտրական շարժիչների հզորության հաշվարկման 2026թ:
1. Բենզինային և դիզելային մեքենաների հաշվարկ
Ներքին այրման շարժիչով մեքենաների համար հարկը հաշվարկվում է՝ հիմք ընդունելով շարժիչի հզորությունը (ձիաուժը) և արտադրության տարեթիվը:
Տարեկան դրույքաչափերն ըստ ձիաուժի (ՁՈՒ).
- Մինչև 120 ՁՈՒ՝ 200 դրամ յուրաքանչյուր ՁՈՒ-ի համար:
- 121-150 ՁՈՒ՝ 300 դրամ յուրաքանչյուր ՁՈՒ-ի համար:
- 151-250 ՁՈՒ՝ 500 դրամ յուրաքանչյուր ՁՈՒ-ի համար + 1,000 դրամ 150-ը գերազանցող յուրաքանչյուր ՁՈՒ-ի համար:
- 251 և ավելի ՁՈՒ՝ 1,000 դրամ յուրաքանչյուր ՁՈՒ-ի համար + 2,000 դրամ 150-ը գերազանցող յուրաքանչյուր ՁՈՒ-ի համար:
Զեղչեր. Մեքենայի տարիքից կախված՝ կիրառվում է մաշվածության զեղչ (3-րդ տարուց սկսած՝ 10%, մինչև 50%):
2. Էլեկտրամոբիլների հաշվարկ (Նոր կարգ 2026)
Էլեկտրական մեքենաների համար այժմ գործում է հատուկ մեթոդաբանություն, որը նվազեցնում է հարկվող հզորությունը՝ կիրառելով նվազեցնող գործակիցներ: Սա թույլ է տալիս խուսափել պիկային հզորության համար բարձր հարկեր վճարելուց:
Ինչպե՞ս է որոշվում հարկվող հզորությունը.
- Մինչև 250 ձիաուժ (պիկային). Գրանցված պիկային հզորությունը բաժանվում է 1.5 գործակցի:
- 251 և ավելի ձիաուժ (պիկային). Հաշվարկվում է հետևյալ բանաձևով՝ 250/1.5 + (պիկ․ հզ — 250)/2.5:
Օրինակ. 300 ձիաուժանոց էլեկտրամոբիլի դեպքում հարկվող հզորությունը կկազմի մոտ 187 ձիաուժ, ինչը զգալիորեն նվազեցնում է տարեկան գույքահարկը:
Ինչո՞ւ օգտվել մեր ավտոմեքենայի գույքահարկի հաշվիչից
Ավտոմեքենայի գույքահարկի հաշվիչն օգտագործելու համար անհրաժեշտ է նախ ընտրել մեքենայի տեսակը, այնուհետև մուտքագրել մեքենայի արտադրության տարեթիվը և հզորությունը ձիաուժով։ Բոլոր այս տվյալները կարելի է գտնել մեքենայի տեխնիկական անձնագրում։ Այնուհետև, նշել այն ամիսների քանակը, որի համար ցանկանում եք կատարել հաշվարկը։
- Ավտոմատ թարմացում. Ներառված են 2026թ. ուժի մեջ մտնող բոլոր փոփոխությունները:
- Ինքնաշխատ վերահաշվարկ. Էլեկտրամոբիլների տվյալները ռեգիստրում կփոփոխվեն ավտոմատ, իսկ մեր հաշվիչը ցույց կտա Ձեր սպասվող նոր հարկը:
Հաշվարկի կարգը հիմված է ՀՀ Կառավարության որոշման վրա։
Հաճախ տրվող հարցեր
Հարց․ Արդյո՞ք պետք է դիմել ՆԳՆ՝ էլեկտրամոբիլի հզորությունը վերահաշվարկելու համար:
Պատասխան․ Ո՛չ, տվյալները կփոփոխվեն ինքնաշխատ եղանակով: Սեփականատերը կտեղեկացվի էլեկտրոնային հարթակի կամ հաղորդագրության միջոցով:
Հարց․ Ե՞րբ է ուժի մեջ մտնում էլեկտրամոբիլների գույքահարկի հաշվարկման նոր կարգը:
Պատասխան․ Որոշումն ուժի մեջ է մտնում 2026 թվականի ապրիլի 1-ից։
Հարց․ Ե՞րբ է վճարվում ավտոմեքենայի գույքահարկը
Պատասխան․ ՀՀ-ում ավտոմեքենայի գույքահարկը վճարվում է տարեկան կտրվածքով։ Հարկ վճարողը պարտավոր է մինչև տվյալ տարվա դեկտեմբերի 1-ը կատարել վճարումը։ Ուշացման դեպքում կիրառվում են տույժեր։
Հարց․ Ո՞վ է վճարում ավտոմեքենայի գույքահարկը
Պատասխան․ Գույքահարկը վճարում է տրանսպորտային միջոցի սեփականատերը՝ ըստ ՀՀ պետական ռեգիստրի տվյալների։ Եթե մեքենան տարվա ընթացքում վաճառվել է, հարկը հաշվարկվում է համամասնորեն՝ ըստ սեփականության ժամկետի։
Հարց․ Ի՞նչ է պետք իմանալ հաշվիչն օգտագործելու համար
Պատասխան․ Ավտոմեքենայի գույքահարկի հաշվիչն օգտագործելու համար բավական է իմանալ մեքենայի արտադրության տարեթիվը, շարժիչի տեսակը (բենզին, դիզել կամ էլեկտրական) և հզորությունը ձիաուժով։ Բոլոր այս տվյալները կարելի է գտնել մեքենայի տեխնիկական անձնագրում։
Ստուգե՛ք նաև՝
