Հայկական Science & Technology Angels Network-ը հայտարարել է Captain ստարտափում ներդրում կատարելու մասին։
Captain-ը մշակում է ֆայլերի բովանդակության որոնողական համակարգ արհեստական բանականության գործակալների համար։ Լուծումը նախատեսված է մեծ ծավալի փաստաթղթերի, պատկերների, աուդիո և վիդեո ֆայլերի որոնման և վերլուծության համար՝ ապահովելով բարձր ճշգրտություն՝ առանց լրացուցիչ կարգավորումների։ Ընկերության տվյալներով՝ հարթակը նախագծված է արագ աշխատանքի և մասշտաբավորման համար։
Ներդրումային փուլին, STAN-ից բացի, մասնակցել են նաև Y Combinator, Handshake Ventures, Edison Capital, Andreessen Horowitz (a16z) Scout-ը և մի շարք հրեշտակ ներդրողներ։
STAN-ը նշել է, որ աջակցելու է Captain-ի համահիմնադիրներ Լյուիս Պոլանսկիին և Էդգաև Բաբաջանյանին ընկերության հետագա զարգացման ճանապարհին։
