Բարձր տեխնոլոգիաների ոլորտի պետական աջակցության ծրագրի շրջանակում փոփոխվել են 2026 թվականի առաջին եռամսյակի հայտերի ընդունման ժամկետները։
Ըստ պաշտոնական տեղեկատվության՝ օրենսդրական բարեփոխումներով պայմանավորված, հայտերի ընդունումը կկազմակերպվի հունիսի 1-ից մինչև հունիսի 30-ը ներառյալ։
Ծրագրի շրջանակներում պետական աջակցություն է տրամադրվում բարձր տեխնոլոգիաների ոլորտում գործող տնտեսավարող սուբյեկտներին՝
- աշխատանքային միգրանտների (օտարերկրյա մասնագետների) ներգրավման,
- նոր աշխատողների աշխատանքի ընդունման,
- աշխատողների վերապատրաստման նպատակով։
Աջակցությունը տրամադրվում է եռամսյակային կտրվածքով և հաշվարկվում է տվյալ տնտեսավարող սուբյեկտի աշխատակիցների համար վճարված եկամտային հարկի մի մասի չափով։
