Վերջին երկու տարիների ընթացքում Հայաստանի գործարար միջավայրում առաջատար հարթակ ձևավորած «LinkedIn Local Yerevan» նախաձեռնությունը հայտարարում է զարգացման նոր փուլի անցման և «BOLD Business 2031» խորագրով ռազմավարական ֆորումի մեկնարկի մասին։ Միջոցառումը տեղի կունենա 2026 թվականի հոկտեմբերի 3-ին՝ «Altezza by Armenian Helicopters» հարթակում։
«BOLD Business 2031»-ը սովորական նեթվորքինգ ձևաչափից անցում է կատարում դեպի ապագային միտված բիզնես հարթակի։ Ֆորումի առանցքային նպատակն է մեկտեղել տեղական և միջազգային առաջնորդներին՝ քննարկելու գլոբալ միտումները, շուկաների զարգացման հաջորդ փուլերն ու նախանշելու Հայաստանի բիզնես էկոհամակարգի տեսլականը մինչև 2031 թվականը։
Միջոցառումը մեկ հարթակում կմիավորի հինգ հիմնական ուղղություններ, որոնք սահմանում են արդի տնտեսության կառուցվածքը.
- Բիզնես և ներդրումներ: Ընկերություններ, գործարարներ, հիմնադիրներ և ներդրողներ։
- Արտաքին կապեր: Դեսպանատներ, միջազգային կազմակերպություններ և գլոբալ գործընկերներ։
- Պետական սեկտոր: Պետական կառույցների ներկայացուցիչներ և որոշում կայացնողներ։
- Կրթություն և փորձ: Համալսարաններ, բանախոսներ, մենթորներ և ոլորտային փորձագետներ։
«BOLD Business 2031»-ը նպատակ ունի դառնալ ռազմավարական կամուրջ Հայաստանի բիզնես էկոհամակարգի, պետական կառույցների և միջազգային հանրության միջև՝ ձևավորելով կապեր, որոնք կվերածվեն իրական տնտեսական արդյունքների», — նշում են կազմակերպիչները։
Մասնակցության հնարավորությունները և ձևաչափը
Ֆորումը նախատեսված է բիզնեսի սեփականատերերի, գործադիր տնօրենների (CEO), թոփ-մենեջերների, ներդրողների և պետական ու միջազգային կառույցների ներկայացուցիչների համար։ Մասնակիցները հնարավորություն կունենան ոչ միայն ընդլայնել իրենց գործարար կապերը, այլև մասնակցել ապագայի միտումների վերաբերյալ պանելային քննարկումներին, բացահայտել նոր շուկաներ ու ներդրումային ռազմավարություններ։
Տոմսերի քանակը սահմանափակ է։ Նախավաճառքի փուլում հասանելի է ընդամենը 50 տոմս՝ հատուկ արժեքով։
- Նախավաճառքի փուլ: 38,000 ՀՀ դրամ
- Հիմնական փուլ: 48,000 ՀՀ դրամ
Միջոցառմանը մասնակցելու համար անհրաժեշտ է անցնել նախագրանցման փուլը հետևյալ հղումով՝ Գրանցման ձև։
Լրացուցիչ տեղեկությունների և մեդիա հարցումների համար՝ Էլ. հասցե: [email protected]
Կազմակերպիչ: LinkedIn Local Yerevan
Միջոցառման ամսաթիվ: 3 հոկտեմբերի, 2026 թ.
