Հայկական Krisp-ը հաջողություն է գրանցել Webby Awards հեղինակավոր մրցանակաբաշխությունում՝ դառնալով հաղթող միանգամից երկու անվանակարգում։
Ընկերությունը ճանաչվել է հաղթող «Տեխնիկական առաջընթաց» (Technical Achievement) կատեգորիայում՝ ստանալով ինչպես ժյուրիի հիմնական մրցանակը (Webby Winner), այնպես էլ օգտատերերի քվեարկությամբ տրվող People’s Voice մրցանակը։
Krisp-ը 2026 թվականին առաջադրվել էր Webby Awards-ին ընդհանուր երեք անվանակարգում՝ Տեխնիկական ձեռքբերում, Ծրագրավորողների գործիքներ և API-ներ և Արհեստական բանականության ձայնային և խոսակցական ինտերֆեյսի լավագույն կիրառություն։
Ընկերության համահիմնադիր Արտավազդ Մինասյանը նշում է, որ վերջին մեկ տարվա ընթացքում Krisp-ի տեխնոլոգիաները ինտեգրվել են գրեթե բոլոր խոշոր արհեստական բանականությամբ աշխատող ձայնային պրոդուկտներում, ինչը ցույց է տալիս ընկերության աճող ազդեցությունը ոլորտում։
