2024 թվականի դեկտեմբերի 7-ին մեկնարկել էր «Տվյալներն ընդդեմ կոռուպցիայի» 24-ժամյա անընդմեջ հաքաթոնը, որը միտված է ստեղծելու տեխնոլոգիական գործիքներ` կոռուպցիայի դեմ պայքարի համար:
«Ինովացիոն լուծումների և տեխնոլոգիաների կենտրոն» հիմնադրամը կիսվել է հաքաթոնի արդյունքներով։ 24 ժամ ինտենսիվ խնդիրների լուծումից հետո հաքաթոնի մասնակից 12 թիմերը ներկայացրել են իրենց լուծումները, որի հիման վրա` ձևավորված մրցութային հանձնաժողովը գնահատել է արդյունքները և փակ քվեարկության միջոցով որոշել հաղթողներին:
Հեքըթոնի հաղթողներն են՝ Riskadar-ը՝ 5,000 դոլար մրցանակով, Akvelon-ը՝ 5,000 դոլար մրցանակով և Plat AI & Bribe Busters -ը՝ 2,500 դոլար մրցանակով։
Հիշեցնենք, որ «Տվյալներն ընդդեմ կոռուպցիայի» հաքաթոնը կազմակերպվել են ԱՄՆ ՄԶԳ-ն (USAID) և Հայաստանի Կոռուպցիայի կանխարգելման հանձնաժողովը՝ (CPC) «Ինովացիոն լուծումների և տեխնոլոգիաների կենտրոն» հիմնադրամի (ISTC Foundation) հետ համատեղ։
