Հունիսի 1-ին՝ Երեխաների պաշտպանության միջազգային օրվան նվիրված, FinCast-ի հատուկ թողարկման շրջանակներում անդրադարձել ենք մի թեմայի, որն ուղղակիորեն ձևավորում է մեր երեխաների ապագան, բայց հաճախ տաբուացված է ընտանիքներում: Ինչպե՞ս օգնել նրանց կառուցել առողջ հարաբերություններ ֆինանսների հետ՝ առանց վտանգելու նրանց ինքնուրույնությունն ու արժեհամակարգը:
Այս սուր և հոգեբանական դիլեմաների շուրջ զրուցել ենք «Այբ» հիմնադրամի հոգաբարձուների խորհրդի նախագահ, կրթության փորձագետ Արամ Փախչանյանի հետ:
Գլխավոր հարցադրումները
- Գրպանի փողի սահմանները. Քանի՞ տարեկանից է պետք գումար տալ երեխային և արդյո՞ք ճիշտ է նրան վարձատրել տան գործերի կամ բարձր գնահատականների համար:
- Սխալվելու իրավունք. Երբ երեխան իր գումարը ծախսում է անիմաստ բաների վրա, պե՞տք է միջամտել, թե՞ թողնել, որ սովորի սեփական փորձից:
- Կապիտալի ժառանգում. Արդյո՞ք պատրաստի բնակարան կամ մեծ կապիտալ թողնելը օգնություն է երեխային, թե՞ նրան սպառող դարձնելու ամենակարճ ճանապարհը:
- Ինչպե՞ս ճիշտ մերժել. Ինչպե՞ս խոսել երեխայի հետ, երբ ընտանիքի բյուջեն չի ներում նրա հերթական ուզածը, որպեսզի դա չվերածվի անլիարժեքության բարդույթի:
Ամբողջական հարցազրույցը հասանելի է How2B-ի Յութուբյան ալիքում։
Դիտե՛ք նաև՝
