Coca-Cola ընկերությունը պատրաստվում է թողարկել ֆիրմային սմարթֆոն՝ ColaPhone անվանմամբ, հայտնում են մի քանի աղբյուրներ: Համացանցում հայտնվել է նույնիսկ դիվայսի նկարը, որը հրապարակել է հայտնի ինսայդեր Ice Universe-ը:
Ինչպես կարելի էր սպասել, սմարթֆոնը կարմիր է և իր վրա ունի Coca-Cola գրառումը: Նկարում նկատելի է նաև կրկնակի տեսախցիկը: Տեխնիկական պարամետրերի մասին առայժմ ոչինչ հայտնի չէ:
Քիչ հավանական է, որ Coca-Cola-ն ինքնուրույն զբաղվի սմարթֆոնի մշակմամբ ու արտադրությամբ: Ամենայն հավանականությամբ, նախագիծն իրականացվելու է բջջային սարքավորումների արտադրությամբ զբաղվող ընկերություններից մեկի հետ համագործակցությամբ, թեև ինքը սմարթֆոնը ունենալու է բացառապես Coca Cola-ի բրենդավորում:
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։