Մեկնարկել է AI Girls Armenia կրթական ծրագրի բաց հայտերի ընդունումը՝ 13-19 տարեկան աղջիկների համար, որոնք հետաքրքրված են տեխնոլոգիաներով, ստեղծարարությամբ և ապագայի մասնագիտություններով։
AI Girls-ը գլոբալ նախաձեռնություն է, որի նպատակն է օգնել աղջիկներին հասկանալ, կիրառել և առաջնորդել արհեստական բանականության (AI) ոլորտում՝ միաժամանակ ձևավորելով գլոբալ համայնք։ Ծրագիրը Հայաստանում իրականացվում է FEMINNO հարթակի շրջանակում, որը երկար տարիների փորձ ունի STEM կրթության և առաջնորդության ծրագրերի իրականացման ոլորտում։
Ծրագրին մասնակցելու համար նախնական տեխնիկական գիտելիքներ կամ ծրագրավորման փորձ չի պահանջվում։ Կազմակերպիչների խոսքով՝ անհրաժեշտ են միայն հետաքրքրասիրություն, մոտիվացիա և սովորելու պատրաստակամություն։ Գրանցման հայտը պետք է լրացնել անգլերենով, սակայն անգլերենի լիարժեք իմացությունը պարտադիր չէ։
Ի՞նչ է AI Girls-ը
AI Girls-ը անվճար կրթական ուղի է, որը համադրում է․
- առօրյա կյանքին մոտ և պարզ AI ուսուցում,
- գործնական նախագծեր,
- մենթորություն և շարունակական աջակցություն,
- անվտանգ և խրախուսող աղջկական համայնք։
Ուսուցման փուլերը
Ծրագիրը բաղկացած է երեք հիմնական փուլից․
- Spark AI – ծանոթացում AI-ի հետ և ինքնավստահության ձևավորում,
- Ignite AI – ուսուցում փորձի, փորձարկման և համագործակցության միջոցով,
- Launch AI – աշխատանք իրական խնդիրների վրա և ապագա ուղիների ուսումնասիրություն։
Յուրաքանչյուր փուլում մասնակիցները կստանան մենթորների աջակցություն։
Ծրագրին մասնակցող աղջիկները կսովորեն․
- աշխատել AI իրական գործիքներով՝ առանց բարդ տեսության,
- ստեղծել փոքր նախագծեր՝ կապելով դրանք իրական գաղափարների հետ,
- համագործակցել հասակակիցների և մենթորների հետ՝ աջակցող միջավայրում,
- զարգացնել վստահություն, հմտություններ և ապագայի հնարավորություններ։
Ո՞վ կարող է դիմել
- 13-19 տարեկան են,
- ապրում են Հայաստանում,
- բաց են նոր գիտելիքների և փորձարկումների համար։
Ծրագրին մասնակցությունը ընտրված մասնակիցների համար ամբողջությամբ անվճար է։ Ուսուցումը, մենթորությունը և նախագծային աջակցությունը լիովին ֆինանսավորվում են կազմակերպիչների կողմից։
Դիմումների վերջնաժամկետը՝ հունվարի 24-ը։
