Սեպտեմբերի 20-27-ը Սոչիում կայացած Աստղագիտության միջազգային բաց օլիմպիադայում Հայաստանի ներկայացուցիչները փայլուն արդյունքներ են գրանցել՝ տուն վերադառնալով երեք ոսկե և երկու արծաթե մեդալներով։ Թիմային հաշվարկով մեր երկիրը երկրորդ տեղում է՝ զիջելով միայն Ռուսաստանի հավաքականին։
Հայաստանը ներկայացրել են Գոռ Հասրաթյանը (2025 թ․ շրջանավարտ, ԵՊՀ ուսանող, ոսկի), Նատալի Մարգարյանը (12-րդ դասարան, ոսկի), Ռուզաննա Շիրոյանը (12-րդ դասարան, ոսկի), Բագրատ Բագրատյանը (12-րդ դասարան, արծաթ) և Անահիտ Գալստյանը (12-րդ դասարան, արծաթ)։
Թիմը ղեկավարել է Արտավազդ Հարությունյանը, իսկ մասնակցության բոլոր ծախսերը հոգացել է «Ֆիզմաթ դպրոցի բարեկամ» բարեգործական հիմնադրամը։
