Առաջատար տեխնոլոգիաների ձեռնարկությունների միությունը (UATE), որպես Surge Summit-ի գործընկերներ, հայաստանյան ստարտափներին հրավիրում է մասնակցելու սեպտեմբերին կայանալիք Surge Summit միջոցառմանը։
Surge Summit-ը ստարտափների համար հարթակ է՝ ցուցադրելու նորարարական գաղափարները, կապեր հաստատելու ներդրողների և էկոհամակարգի հետ:
Միջոցառման ընթացքում սպասվում են հաջողության պատմությունների ներկայացումներ, պանելային քննարկումներ, սեմինարներ և ներդրողների հետ բացառիկ հանդիպումներ, ինչպես նաև հնարավորություն մասնակցելու #SurgeSummitPitch մրցույթին, որտեղ հնարավոր է շահել մինչև 20,000 եվրո մրցանակ։
Միջոցառումը տեղի կունենա սեպտեմբերի 5-7-ը, Վրաստանի մայրաքաղաք Թբիլիսիում։ Մասնակցության համար տոմսեր հնարավոր է ձեռք բերել այստեղ։ Այլ մանրամասներ կգտնեք այստեղ։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
