ԱՄՆ նախագահ Դոնալդ Թրամփը հայտարարել է, որ ԱՄՆ-ը 25% մաքսատուրք է սահմանելու բոլոր այն երկրների նկատմամբ, որոնք առևտուր են անում Իրանի հետ։ Որոշումը տարածվում է այն երկրների վրա, որոնք ֆինանսական կամ առևտրային հարաբերություններ ունեն Իրանի հետ, և այդ երկրների հետ ԱՄՆ-ից ներկրվող ապրանքների վրա ամերիկյան կողմը նախատեսում է կիրառել 25% մաքսատուրք։
«Այս պահին ցանկացած երկիր, որն առևտրային գործարքներ է կնքում Իրանի Իսլամական Հանրապետության հետ, 25%-ի չափով մաքսատուրք կվճարի: Այս որոշումը վերջնական է և բողոքարկման ենթակա չէ»,- գրել է Թրամփը TruthSocial սոցիալական ցանցի իր էջում։
Որոշումն ավելի մեծ ազդեցություն կունենա Չինաստանի, Հնդկաստանի, Թուրքիայի, Արաբական Միացյալ Էմիրությունների և այլ երկրների վրա, որոնք մեծ առևտրային հարաբերություններ ունեն Իրանի հետ։
Այս քայլը, ըստ միջազգային մամուլի, կապված է Իրանի շուրջ ներկայիս լարված իրավիճակի հետ․ երկրում ընթանում են զանգվածային հակակառավարական ցույցեր, որին պատրաստ է դիմադրություն ցուցաբերել իշխանությունը, և Թրամփը փորձում է ԱՄՆ-ի ճնշումը ուժեղացնել ոչ միայն Իրանի վրա, այլև նրա առևտրային գործընկերների միջոցով։
Ավելի վաղ Թրամփը Ուկրաինայում պատերազմող Ռուսաստանի վրա ճնշում գործադրելու համար 50% մաքսատուրք էր սահմանել հնդկական ապրանքների համար՝ այդ երկրի կողմից ռուսական նավթի գնման պատճառով:
Կարդացե՛ք նաև.
