Որքան քիչ լինի վիրահատական միջամտությունը, այնքան դրական կլինեն վիրահատությունների հետևանքները, հատկապես, ուղեղի վիրահատության դեպքում: Օրինակ հիանալի կլիներ վերականգնել վնասված արյան անոթներն և ուղեղի հյուսվածքներ ներսից՝ առանց կտրելու, օգտագործելով փոքրիկ ռոբոտային մեխանիզմներ:
Հենց սրանով էլ զբաղվել է Ֆրանսիական երիտասարդ ընկերություն Robeauté-ը, որը հիմնադրվել է 2017 թվականին Բերտրան Դուպլատի և Ջոանա Կարտոչիի կողմից։
Գիտնականները ստեղծել են փոքր ռոբոտ, որը կարող է փորձարկվել մարդկանց վրա արդեն 2026 թվականին:
Ներկայացված ռոբոտը մոտավորապես բրնձի հատիկի չափ ունի։ Այն նախատեսված է օգնելու նյարդավիրաբույժներին՝ ուղեղի վիրահատություններ կատարելիս: Առաջին փուլում ռոբոտը կօգտագործվի դժվար հասանելի վայրերից հյուսվածքների նմուշներ վերցնելու համար։ Ապագայում այն կկարողանա դեղամիջոցներ հասցնել ուղեղի որոշակի հատվածներ և կատարել այլ առաջադրանքներ:
Ռոբոտը սատկած կենդանիների վրա փորձարկվել է դեռ 2021 թվականին։ Ընկերությունն այժմ պատրաստվում է փորձարկումների մարդկային դիակների և կենդանի կենդանիների վրա: Կարգավորման հաստատումը ստանալուց հետո կսկսվեն կենդանի մարդկանց վրա փորձարկումները։
Ըստ մշակողների՝ տեխնոլոգիայի նախնական փորձարկումները բարձր գնահատականի են արժանացել նյարդավիրաբույժների կողմից։ Նոր գործիքն ունի բոլոր հնարավորությունները աշխարհի կլինիկաներում հանրաճանաչ դառնալու համար:
