Plug and Play Central Asia and Caucasus-ը հայտարարել է Plug and Play Armenia-ի նախաաքսելերացիոն ծրագրի հայտերի ընդունման մեկնարկի մասին։ Ծրագիրն իրականացվում է Հայաստանի բարձր տեխնոլոգիական արդյունաբերության նախարարության հետ գործընկերությամբ։
Ծրագիրը նախատեսված է ստարտափների համար, որոնք պատրաստ են փորձարկել իրենց գաղափարները, զարգացնել բիզնեսը և պատրաստվել միջազգային մասշտաբով աճի։
Կազմակերպիչների ներկայացմամբ՝ ծրագրի շրջանակում մասնակիցները կստանան մուտք Plug and Play-ի միջազգային ցանց, Սիլիկոնյան հովտի ձևաչափով մենթորություն, ավելի քան 900 փորձագիտական խորհրդատվական հանդիպումների հնարավորություն, նաև ներդրումային թիմին ներկայացվելու հնարավորություն։
Ծրագիրը միտված է հատկապես այն թիմերին, որոնք նպատակ ունեն դուրս գալ Հայաստանի շուկայից և զարգանալ գլոբալ մակարդակում։
Հայտերի ընդունման վերջնաժամկետը մարտի 23-ն է։ Մասնակցելու համար անհրաժեշտ է լրացնել հայտը Plug and Play-ի պաշտոնական էջում։
Անցած տարի Հայաստանի կառավարությունը հաստատեց է $4 միլիոն դոլար արժողությամբ նոր ծրագիր, որի շրջանակում Plug and Play Tech Center միջազգային աքսելերատորը բացեց մշտական գրասենյակ Երևանում և այս երեք տարում պարտավորվեց գործարկել ծրագրեր՝ ուղղված հայկական ստարտափների գլոբալ մրցունակության բարձրացմանը։
Այս ընթացքում հայկական մոտ 40 ստարտափ մասնակցել է Plug and Play-ի աքսելերացիոն և ինկուբացիոն ծրագրերին։ Նախաաքսելերացիոն ծրագիրը երրորդ հնարավորությունն է այդ փուլում գտնվող հայկական ստարտափների համար ստանալ գիտելիքներ ու հմտություններ միջազգային աքսելերատորից ու մենթորներից։
Իսկ ի՞նչ է տալիս իրականում միջազգային աքելերացիոն ծրագիրը, ինչիպիսի՞ն է մասնակիցների ու ոլորտի մասնագետների գնահատականը, կարող եք դիտել How2B-ի տեսանյութում։
