Neuralink-ի սեփականատեր Իլոն Մասկը հայտարարել է տեսողությունը վերականգնելու իմպլանտի՝ Blindsight-ի մշակման մասին: Այս մասին նա գրել է X սոցցանցում:
Ձեռնարկատիրոջ խոսքով, սկզբում լուծաչափը ցածր կլինի, ինչպես Nintendo-ի վաղ գրաֆիկան, բայց ժամանակի ընթացքում այն կարելի է հասցնել մարդկային տեսողության մակարդակի։
Մասկը նաև ասել է, որ չիպերն արդեն հաջողությամբ փորձարկվել են կույր կապիկների վրա, և նրանցից ոչ մեկը «չի մահացել կամ լուրջ վնասվածքներ չի ստացել Neuralink սարքից»։
Նախօրեին Neuralink-ը X-ում տեսանյութ էր հրապարակել 29-ամյա Նոլան Արբոյի հետ, ով մտքի ուժով կառավարում է ֆիգուրները առցանց շախմատում։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար: