Lenovo ընկերությունը ցուցադրել է նոութբուքի նախատիպ, որը գիտաֆանտաստիկ ֆիլմի գաջեթ է հիշեցնում: ThinkBook նորարարական սարքավորումն ունի 17,3 դյույմ անկյունագիծ և արտասովոր MicroLED թափանցիկ էկրան:
Այս սարքը ըստ Lenovo-ի ֆուտուրիստական մոտեցում է, որտեղ ֆիզիկական և թվային աշխարհները հատվում են։
Էկրանի թափանցիկությունը 55% է՝ սև պիքսելներով:
Նոութբուքն ունի սենսորային էկրանով ստեղնաշար, որը կարող է օգտագործվել նաև որպես նկարչական պլանշետ: Գրիչը մոտեցնելիս ստեղների պրոյեկցիան վերանում է:
Ինովացիոն սարքից օգտվելիս The Verge-ի խմբագիրը խոստովանել է, որ փորձնական նախադասություն գրելիս անընդհատ տառասխալներ է թույլ տվել՝ ուռուցիկ կոճակների բացակայության պատճառով։ Նույն դժվարություններին բախվել էնաև CNN-ի թղթակիցը։
Ընկերությունը նման նոութբուքերի զանգվածային արտադրություն սկսելու ծրագիր դեռ չունի, ուստի չի հրապարակում տեխնիկական բնութագրերը։ Բայց հույս ունի, որ առաջիկա հինգ տարում այս տեխնոլոգիան զանգվածային կիրառություն կգտնի։
Lenovo-ն ակնկալում է, որ նախատիպի ցուցադրությունը կառաջացնի քննարկումներ և կօգնի բացահայտել սարքի օգտագործման նպատակահարմար ոլորտները: Ընկերությունը կարծում է, որ նման համակարգիչը հարմար կլինի ճարտարապետների և նկարիչների համար, քանի որ նրանք կկարողանան նկարել՝ միաժամանակ օբյեկտը ապակու միջոցով ուսումնասիրելով։
CNN-ը կարծում է, որ աշակերտները կարող են օգտագործել այս սարքը դասարաններում, որպեսզի ուսուցիչները տեսնեն, թե ինչի վրա են նրանք աշխատում։
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին: