Lago ընկերությունը, որի համահիմնադիրը հայազգի Րաֆֆի Սարգսյանն է, և որը մշակում է բաց կոդով վճարային համակարգ, ներգրավել է $22 միլիոն ֆինանսավորում։
Ներդրումը գլխավորել է ՝ FirstMark-ը։ Դրան մասնակցել են նաև Y Combinator-ը, Lee Fixel’s Addition-ը, New Wave-ը, Script-ը և այլ ներդրողներ:
TechCrunch-ը գրում է, որ դրա արժեքն այժմ կազմում է շուրջ 100 միլիոն դոլար։
Ընկերությունը ներդրումը կուղղի ավանդական վճարումների և վճարային հարթակների համար բաց կոդով այլընտրանք ստեղծելուն։
Սակայն այն պարզապես վճարային համակարգերի այլընտրանք չէ։ Ընկերությունը ինժեներներին կոմպոզիտային հաշվարկային շարժիչ է տրամադրում և ֆինանսական ու բիզնես թիմերի համար իրական ժամանակում ապահովում ճշգրիտ հաշվարկային տվյալների հասանելիություն։
2021-ին Lago-ն ընդգրկվել է Y Combinator-ի ամառային շրջափուլում։
Ընկերության հաջողության մասին հետաքրքիր մանրամասներ կգտնեք այստեղ։
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
