TikTok-ի օգտատերերը սկսել են ծանուցումներ ստանալ, որ կարճ վիդեո ծառայությունը «շուտով» կգործարկի նոր հավելված՝ TikTok Notes-ը, գրում է TechCrunch-ը։
Ծանուցման համաձայն՝ հավելվածում հնարավոր կլինի լուսանկարներ հրապարակել, ինչպես նաև կցուցադրվեն TikTok-ի օգտատերերի առկա ֆոտոհրապարակումները։ Ցանկության դեպքում օգտատերերը կարող են հրաժարվել այս գործառույթից:
TikTok-ը հաստատել է, որ իրենք աշխատում են հավելվածի վրա, սակայն այն դեռ հասանելի չէ։ Թե կոնկրետ երբ այն կգործարկվի, չի նշվում։
2023 թվականի մարտին տեխնոլոգիական բլոգեր TheSpAndroid-ը TikTok կոդում հայտնաբերել է լուսանկարներ հրապարակելու ծառայության՝ TikTok Photos-ի հղումներ։ Դրանում հայտնաբերվել է նաև հավելվածի հնարավոր պատկերանշանը՝ «P» տառի տեսքով:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
