Հունիսի 12-18-ը կանցկացվի Buissup Global Forum 2023-ը:
Buissup Global Forum-ը 7-օրյա բիզնես ֆորում է, որի ընթացքում բիզնես նախագիծ ունեցող թիմերը աշխատում և ավարտին են հասցնում իրենց գաղափարները:
Ֆորումին մասնակցել կարող են ինչպես անհատները, այնպես էլ մինչև 3 անդամից բաղկացած թիմերը։ Ֆորումի ամբողջ ընթացքում տարբեր ոլորտների գործող մասնագետներ իրենց փորձով և գիտելիքներով աջակցելու են նախագծերի հիմնադիրներին:
Buissup Global Forum-ի ընթացքում կանցացվեն.
- Գործնական դասընթացներ,
- Workshop-եր,
- Հաջողության պատմություններ գործող գործարարներից,
- Մասնագիտացված մենթորինգ,
- Ստարտափ բանավեճեր:
Դասախոսությունների ուղղություններն են լինելու. - Գաղափարի գնահատումը և մոդելավորումը,
- Մարքեթինգը և վաճառքները,
- Ֆինանսների կառավարումը,
- Ներդրողին ճիշտ ներկայանալու արվեստը:
Ֆորումին մասնացելու համար անհրաժեշտ է.
- Ունենալ ցանկացած ոլորտի բիզնես գաղափար, որը կպարունակի նորարարություն առնվազն Հայաստանի համար
- Լրացնել հայտադիմումը
- Անցնել հարցազրույց
Հայտադիմումների մեկնարկը տրվելու է ապրիլի 15-ին։ Ֆորումն անցկացվելու է Best Western Plus Paradise Dilijan հյուրանոցում: Կազմակերպիչները հոգում են մասնակիցների կացության, սննդի և Երևանից Դիլիջան տեղափոխման հետ կապված ծախսերը:
Buissup Global Forum-ն իրականացվում է «Հայ գործարարների ասոցիացիա»-ի նախաձեռնությամբ և «Տաշիր» ընկերությունների խմբի աջակցությամբ:
Ինչպե՞ս անցավ նախորդ Buissup Global Forum-ը, ծանոթացե՛ք How2B-ի ռեպորտաժում.
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
