Հայաստանի ներդրումային խորհուրդը ՀՀ Էկոնոմիկայի նախարարության հետ համատեղ հայտարարել է ՓՄՁ զարգացման խորհրդի անդամակցության հայտերի ընդունման նոր փուլի մեկնարկի մասին։
Խորհրդի նպատակն է մշակել օրենսդրական բարեփոխումների փաթեթներ՝ ուղղված Հայաստանում ՓՄՁ-ների անխափան գործունեության ապահովմանը։
Ովքեր կարող են դիմել.
Խորհրդին կարող են անդամակցել գործարար համայնքի շահերը ներկայացնող բիզնես ասոցիացաներ, հիմնադրամներ, հասարակական կազմակերպություններ, ինչպես նաև առևտրաարդյունաբերական պալատների և աջակցող դոնոր կազմակերպությունների ներկայացուցիչներ։
Դիմելու կարգը.
Հետաքրքրված կազմակերպությունները կարող են լրացնել այս հայտադիմումը, որի հետ միասին info@icarmenia.am և ppd@mineconomy.am էլ. փոստի հասցեներին անհրաժեշտ է ուղարկել հետևյալ փաստաթղթերը.
- Կազմակերպության կանոնադրության պատճեն
- Պետական գրանցման վկայականի պատճեն
- Խորհրդի կազմում ընգրկվելու նպատակով առաջարկվող թեկնածուի ինքնակենսագրականը (CV)
Խորհրդի կազմում ընդգրկվելու համար ներկայացրած հայտադիմումները ընտրում և փոխվարչապետի հաստատմանն է ներկայացնում ՀՀ Էկոնոմիկայի նախարարը:
Դիմելու վերջնաժամկետը օգոստոսի 30-ն է: Այլ մանրամասների կարող եք ծանոթանալ այստեղ։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
