Google-ը App Store-ում գործարկել է Switch to Android հավելվածը: Այն թույլ է տալիս ընտրել՝ iPhone-ի որ տվյալները փոխանցել ձեր նոր Android օպերացիոն համակարգով հեռախոսին: Տվյալները կարող են ներառել կոնտակտներ, օրացույց, լուսանկարներ, տեսանյութեր, ինչպես նաև iMessages-ի բոլոր հաղորդագրությունները։
Հավելվածը թույլ է տալիս միանալ iCloud-ին՝ ձեր լուսանկարներն և վիդեո ֆայլերը Android-ին փոխանցելու համար, իսկ ներբեռնված հավելվածները հնարավոր չի լինի տեղափոխել:
Google Switch to Android-ի կայքը դեռևս չի թարմացվել և հավելվածի հասանելիության մասին տեղեկատվություն դեռևս չի հրապարակվել։ Այս պահին այն հասանելի է միայն ուղիղ հղումով։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
