Google DeepMind-ը մշակել է արհեստական ինտելեկտի (AI) եղանակի կանխատեսման նոր մոդել՝ GenCast, որը գերազանցում է ավանդական օդերևութաբանական մեթոդներին մինչև 15 օր եղանակի կանխատեսման հարցում և նաև ավելի ճշգրիտ է կանխատեսում էքստրեմալ եղանակային իրադարձությունները, գրում է Financial Times-ը։
GenCast-ի AI մոդելը ճշգրիտ գնահատելու համար դիտարկում է բազմաթիվ հավանական սցենարներ՝ սկսած քամու էներգիայի արտադրությունից մինչև արևադարձային ցիկլոնների տեղաշարժը:
GenCast-ի մեթոդը նոր սահման է արհեստական բանականության ոլորտում՝ ավելի լավ ու արագ ամենօրյա եղանակի կանխատեսումներն ապահովելու համար: Այս կիրառում են խոշոր եղանակային ծառայությունները։
GenCast-ի կատարելագործման համար օգտագործվել է Միջին հեռավորության եղանակի կանխատեսման եվրոպական կենտրոնի (ECMWF) չորս տասնամյակների ընթացքում կուտակված տվյալների բազան: GenCast-ը կարող է ստեղծել իր կանխատեսումը ընդամենը 8 րոպեում, մինչդեռ ավանդական մեթոդները ժամեր են պահանջում կանխատեսում ստեղծելու համար:
Հետազոտողների կարծիքով՝ GenCast-ի AI մոդելը կարող է էլ ավելի կատարելագործվել խոշոր փոթորիկների ինտենսիվությունը կանխատեսելու ունակությամբ:
