«Ձեռնարկությունների ինկուբատոր» հիմնադրամի հայտարարած «Նորարարական և գիտահետազոտական գաղափարների մրցույթը» շարունակում է հայտերի ընդունումը։
Մրցույթը հնարավորություն է շահելու 800․000 ՀՀ դրամ մրցանակներից մեկը (ներառյալ հարկերը, տուրքերը և/կամ այլ պարտադիր վճարները), ինչպես նաև ինկուբացիա անցնելու՝ Ձեր գաղափարը զարգացնելու, ներդրումներ ներգրավելու, հետազոտությունը շարունակելու և արդյունքները առևտրայնացնելու նպատակով։
Ընդունվում են հայտեր հետևյալ ոլորտներից՝
- Արհեստական բանականություն և տվյալագիտություն, ինչպես նաև դրանց կիրառությունը առողջապահության, կլիմիայական փոփոխությունների, կիբեռանվտանգության, գյուղատնտեսության և պարենային անվտանգության, իրավաբանական ծառայությունների և սոցիալական ոլորտներում։
- Ճարտարագիտություն, մասնավորապես՝ անվարորդ մեքենաներ, ավիատիեզերական արդյունաբերություն, կենսաբժշկական ճարտարագիտություն, հեռահաղորդակցություն, կիսահաղորդիչներ, ռադիոհաճախային (RF) համակարգեր և սարքեր, արդյունաբերական IoT, խելացի արտադրություն, էլեկտրոնիկա:
- Կիբեռանվտանգություն,մասնավորապես՝ ծրագրային ապահովման անվտանգություն, ցանցային համակարգերի անվտանգություն, Վեբ անվտանգություն, ամպային համակարգերի անվտանգություն, գաղտնագրում, Web 3 և խելացի պայմանագրերի անվտանգություն։
- Արվեստ և ստեղծարար տեխնոլոգիաներ, մասնավորապես՝ թվային ազգագրություն և սոցիալական գիտություններ, մշակութային իրերի թվային պահպանում և հասանելիություն, պատմական տեքստերի և ձեռագրերի՝ արհեստական բանականության վրա հիմնված ընդլայնված վերլուծություն, գրավոր ժառանգության ուսումնասիրման, բարձր տեխնոլոգիաների և բնագրագիտության համադրման հնարավորություն, վիրտուալ/ավելացված (VR/AR) իրականություն և խաղայնացում մշակութային կրթության մեջ, թվային պատմություններ և պատմողական նորարարություն:
- Գիտություն` մաթեմատիկական մոդելավորում, քվանտային հաշվարկի և տեղեկատվության տեխնոլոգիաներ, կիրառական Ֆիզիկա մասնավորապես՝ էներգիայի կուտակման, պահման և ղեկավարման համակարգեր, տաքացման և սառեցման համակարգեր, նորարարություններ նյութագիտության մեջ՝ մետանյութեր, կառավարելի հատկություններով նյութեր։
Ծրագրին կարող են դիմել ինչպես անհատներ և թիմեր, այնպես էլ գործող կազմակերպություններ:
Դիմելու համար անհրաժեշտ է լրացնել մեկ էջանոց հայտաձևն՝ ըստ սույն ձևաչափի և ուղարկել science.incubation@eif.am էլ․ փոստի հասցեին։
Դիմելու վերջնաժամկետ՝ մայիսի 26-ը (ներառյալ)։
Հայտերի նախնական գնահատման փուլը հաղթահարած գաղափարների ներկայացումը տեղի կունենա հունիսի 3-5-ը, մրցանակաբաշխությունը՝ հունիսի 7-ին։
