Հուլիսի 15-ին ԲՏԱ նախարարությունում դրամի արժևորման արդյունքում ՏՏ ոլորտում առաջացած խնդիրների լուծման թեմայով քննարկում է տեղի ունեցել։
Ավելի վաղ ԱՏՁՄ-ն դիմել էր ՀՀ վարչապետին՝ ֆինանսատնտեսական բլոկի ղեկավարների հետ հանդիպում կազմակերպելու և դրամի արժևորման արդյունքում ՏՏ ոլորտում տեղի ունեցող իրավիճակի մասին քննարկում հրավիրելու, որի թեման դրամի արժևորման արդյունքում ոլորտի ընկերությունների կրած և սպասվող վնասներն են։
Նամակին ի պատասխան հուլիսի 15-ին ընդլայնված քննարկում է տեղւ ունեցել, որին մասնակել են Կենտրոնական բանկի, Պետական եկամուտների կոմիտեի, ՀՀ բարձր տեխնոլոգիական արդյունաբերության, ֆինանսների և էկոնոմիկայի նախարարությունների ներկայացուցիչներ։
Մասնակիցներին ներակայցվել են ԱՏՁՄ կողմից մշակված կառավարության որոշման նախագիծը, որով առաջարկվում է պետական աջակցություն տրամադրել ՏՏ ոլորտում լուծումների արտահանմամբ զբաղվող ընկերություններին, որոնք դրամի արժևորման արդյունքում մեծ վնասներ են կրում։
Քննարկվել են նաև ֆինանսական շուկայի կանխատեսելիության բարձրացման հարցեր, մասնավորապես բանկերի կողմից որոշակի գործիքների կիրառման հարցը։
Արդյունքում որոշում է կայացվել, որ պաշտոնապես ներկայացված նախագիծը պետական մարմինների կողմից կքննարկվի, կհաստակեցվեն պետական աջակցության եղանակներն ու շահառուները։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
