Չինաստանի և աշխարհի խոշորագույն բջջային օպերատորը՝ China Mobile-ն, այսօր հայտարարել է անլար կապի նոր 5G-Advanced (5GA կամ 5.5G) ստանդարտի գործարկման մասին: Առաջին սարքերը, որոնք աջակցություն կստանան նոր ստանդարտի համար, կլինեն Oppo Find X7 սերիայի սմարթֆոնները։
Oppo-ի գործադիր տնօրեն Փիթ Լաուն Weibo սոցիալական ցանցի իր էջում հրապարակել է Oppo Find X7 Ultra սմարթֆոնի լուսանկարը, որի կարգավիճակի տողում երևում է 5GA ցանցի պատկերակը։
Նույն սոցցանցում կա գրառում, որտեղ ակնարկվում է, որ Oppo Find X7 բազային մոդելը նույնպես կստանա 5.5G աջակցություն։ Սա բավականին հետաքրքիր է, քանի որ երկու սարքերը օգտագործում են տարբեր պրոցեսորներ: Ultra մոդելը հագեցած է Qualcomm-ի Snapdragon 8 Gen 3 չիպով, մինչդեռ բազային տարբերակը ստացել է Dimensity 9300 MediaTek-ից:
Այս տարի շուկայում կհայտնվեն ավելի քան 20 սարքեր, որոնք համատեղելի են կապի նոր ստանդարտին։ China Mobile-ը նախատեսում է մինչև այս տարվա վերջ ծածկել չինական ավելի քան 300 քաղաք իր նոր ցանցով։ Առաջին 100-ում կներառվեն խոշոր քաղաքները, այդ թվում՝ Պեկինը, Շանհայը և Գուանչժոուն:
5G-Advanced ցանցը խոստանում է կապի արագության եռակի բարձրացում՝ ներբեռնում մինչև 10 Գբիթ/վ և վերբեռնում 1 Գբիթ/վրկ: China Mobile-ն արդեն ստեղծել է ցուցադրական կայքեր ամբողջ երկրում, որպեսզի Find X7-ի սեփականատերերը կարողանան փորձել տվյալների փոխանցման նոր ստանդարտը:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
