Eqwefy հայկական ներդրումային հարթակը հայտնել է, որ CaseLens ստարտափի ցուցակումը հարթակում հաջողությամբ ավարտվել է, բազմաթիվ ներդրողներ են միացել CaseLens-ին և ունեն մասնակցություն ստարտափում։
«Ուրախ էինք CaseLens-ի թիմի հետ աշխատելու համար և շնորհակալ ենք այս հետաքրքիր աճի ճանապարհին նրանց կողքին լինելու հնարավորության համար»,- նշված է գրառման մեջ։
Eqwefy հայկական ներդրումային հարթակը անցած տարվա նոյեմբերին էր հայտարարել CaseLens ստարտափի ներառման մասին։
CaseLens.tech-ն արհեստական բանականությամբ գործող իրավական-վերլուծական հարթակ է, որն ուղղված է միջազգային արբիտրաժի և բարդ դատական գործընթացների ավտոմատացմանը և արդյունավետացմանը։ Այն գտագործում է արհեստական բանականություն՝ տվյալները ռազմավարության համար պատրաստ վահանակների վերածելու համար: Հարթակը կենտրոնանում է բարձր ռիսկային, փաստաթղթեր պահանջող գործերի վրա՝ իրավաբանական գրասենյակներին ապահովելով արագություն, ճշգրտություն և գործառնական արդյունավետություն այնտեղ, որտեղ դա ամենակարևորն է:
Ստարտափը ղեկավարում են իրավական և տեխնոլոգիական ոլորտներում փորձ ունեցող Արամ Աղաբաբյանը, Արեն Տեր-Բալյանը և Շուշան Յազիչյանը։ Նրանց նպատակը արբիտրաժային և դատական գործընթացների վերափոխումն է հիմնարար նորարարությամբ։
