Լեհական PimEyes կայքը պնդում է, որ կարող է գտնել մարդուն մեկ վերբեռնված պատկերի հիման վրա և ցույց տալ, թե որտեղ են վերբեռնվել այդ լուսանկարները: Այս մասին հայտնում է The Independent-ը։
PimEyes-ը որոնողական համակարգ է, որն օգտագործում է արհեստական ինտելեկտը ցանկացած վերբեռնված դեմք որոնելու համար և վայրկյանների ընթացքում գտնում է այդ մարդու յուրաքանչյուր պատկերը ինտերնետում:
PimEyes-ի անվճար տարբերակում միայն ասվում է, որ համացանցում կա ձեր փնտրած անձի լուսանկարը։ Ընկերությունը կտրամադրի հղում դեպի այն կայքը, որտեղ վերբեռնվել է լուսանկարը, սակայն պրեմիում ծառայության դեպքում հաճախորդները կարող են տեսնել նաև ճշգրիտ URL-ը:
Ծառայության ստեղծողները պատրաստ են կայքի հնարավորությունները վաճառել նմանատիպ նախագծերի վրա աշխատող ոստիկաններին և ծրագրավորողներին։
Ծրագրավորողների համար հասանելի է ամսական 100 միլիոն որոնումների փաթեթ:
Ծառայությունը կարող է որոնում իրականացնել «դարքնեթում» իրավապահ մարմինների համար՝ համագործակցելով Paliscope կոչվող ընկերության հետ՝ նկարներ և ֆայլեր տրամադրելու համար դետեկտիվներին:
Daily Mail-ի թղթակիցը փորձարկել է ծառայությունը և որակել այն որպես «ամենաանհանգստացնող կայքը երբևէ»։ Այն գտնում է լուսանկարները նույնիսկ փակ օգտահաշիվներից և գաղտնի չաթերից։
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին: