Հայաստանի հրեշտակ ներդրողների ակումբը (AICA) հայտարարել է մարտին կայանալիք հերթական փիչինգ սեսիայի հայտերի ընդունման մեկնարկի մասին։
Ակումբի ներդրողները գործում են տարբեր շուկաներում և ժամային գոտիներում՝ ստարտափներին տրամադրելով ոչ միայն ֆինանսավորում, այլև ռազմավարական մենթորություն և միջազգային աճի փորձ։ Ծրագիրը նախատեսված է այն թիմերի համար, որոնք կառուցում են մասշտաբավորվող ստարտափներ՝ ուղղված գլոբալ շուկաներին։
Հիմնադիրների համար նախատեսված հնարավորությունները ներառում են՝
- ուղիղ կապ գլոբալ հրեշտակ ներդրողների հետ,
- միջսահմանային ներդրումների և հետագա ֆինանսավորման հնարավորություններ,
- ոչ միայն ֆինանսավորում, այլ նաև փորձառու ներդրողների ռազմավարական աջակցություն,
- համայնք, որը միտված է ստարտափների գլոբալ մասշտաբավորմանը։
Դիմումների ընդունման վերջնաժամկետը փետրվարի 18-ն է։ Դիմելու մանրամասները այստեղ։
