Ameriabank-ը հայտարարել է, որ 60 միլիոն ԱՄՆ դոլարի ֆինանսավորում է տրամադրում Հայաստանում արհեստական բանականության տվյալների կենտրոնի կառուցման նախագծին, որն իրականացվում է Firebird AI-ի կողմից։
Նախագիծն իրականացնում է Firebird-ը՝ NVIDIA-ի, Dell Technologies-ի, ինչպես նաև Հայաստանի կառավարության համագործակցությամբ։ Նախատեսվում է, որ կառուցվող տվյալների կենտրոնը կլինի տարածաշրջանում ամենահզորներից մեկը։
Կենտրոնը հնարավորություն կտա գիտահետազոտական կազմակերպություններին, տեխնոլոգիական ընկերություններին և բիզնեսներին կիրառել ժամանակակից AI լուծումներ մեծ ծավալներով՝ նպաստելով Հայաստանի դիրքի ամրապնդմանը տեխնոլոգիական ոլորտում։
Հաղորդագրության համաձայն՝ Ameriabank-ը շարունակում է պահպանել իր դիրքը որպես խոշորագույն կորպորատիվ վարկատու Հայաստանում։ Բանկի կորպորատիվ պորտֆելը, ներառյալ ֆինանսական լիզինգը և ֆակտորինգը, գերազանցել է 1 տրիլիոն դրամը։
