Իլոն Մասկը պատրաստվում է Twitter-ում վճարովի նույնականացման գործառույթ ներդնել, որի համար օգտատերերը կվճարեն $20, հայտնում է The Verge-ը։
Ըստ Մասկի հրահանգի՝ սոցցանցի Twitter Blue վճարովի տարբերակի ամսական $4.99 վճարը կհասցվի $19.99-ի, և այն կներառի նաև նույնականացման հնարավորություն՝ քանի դեռ բաժանորդագրությունն ակտիվ է:
Այն օգտատերերը, ովքեր ստացել են նույնականացում, կունենան 90 օր վճարովի բաժանորդագրություն ակտիվացնելու համար, այլապես կզրկվեն կապույտ նշանից։
Ըստ աղբյուրի՝ գործառույթի ներդրմամբ զբաղվող աշխատակիցներին Իլոն Մասկը «սպառնացել է» ազատել աշխատանքից, եթե չկարողանան գործը գլուխ բերել մինչև այս տարվա նոյեմբերի 7-ը։
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
