Կանադայի Օնտարիո նահանգից վեցամյա Սիմար Խուրանան դարձել է տեսախաղերի՝ աշխարհի ամենաերիտասարդ մշակողը՝ երեխաների համար առողջ սնվելու մասին կրթական տեսախաղ ստեղծելով։ Այս մասին հայտնում է Գինեսի ռեկորդների գրքի կայքը։
Նա սկսել է ծրագրավորում սովորել մեկ տարի առաջ՝ շաբաթը երեք անգամ հաճախելով դասերի։ Մաթեմատիկայի և ծրագրավորման ունակությունները նկատել է աղջկա հայրը:
«Սիմարն ինքնուրույն սովորել է մաթեմատիկա՝ դիտելով YouTube-յան տեսանյութեր։ Ես զգացի, որ նրա մոտ լավ կստացվի նաև ծրագրավորումն ու առաջարկեցի նրան փորձել ծրագրավորման դասընթաց, ինչը նրան իսկապես դուր եկավ»,- ասել է Սիմարի հայրը:
Սիմարի համար ծրագրավորման դասընթացներ գտնելը հեշտ չի եղել, քանի որ դպրոցների և դասընթացների մեծ մասը հրաժարվել էր ընդունել նրան՝ չափազանց երիտասարդ տարիքի պատճառով: Հետո մի քանի ամիս սովորելուց հետո աղջիկը որոշել է, որ ցանկանում է իր տարիքի երեխաների համար տեսախաղ ստեղծել։
Սիմարն ասում է, որ ցանկանում է դառնալ խաղերի մշակող, երբ մեծանա: Նա վերջերս արել է իր առաջին քայլերն արհեստական ինտելեկտի և մեքենայական ուսուցման ոլորտում և վճռական է ապագայում նոր ռեկորդներ գերազանցելու հարցում:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
