2023 թվականին բիզնեսի և տեխնոլոգիական խորհրդատու, Google Cloud-ի մրցանակակիր գործընկեր SADA, an Insight company-ն հասել է գեներատիվ AI-ի և մեքենայական ուսուցման ոլորտում նախագծերի ավելի քան 300 տոկոս աճի։ Այս մասին հայտարարել է ընկերությունը:
Ընկերությունը հայտարարում է, որ շարունակում է գեներատիվ արհեստական բանականության (GenAI) և մեքենայական ուսուցման գործառույթների մեծ մասշտաբներով աճ գրանցել։ Սա տեղի է ունենում Google Cloud-ի Gemini և Vertex AI հարթակների միջոցով հաճախորդների փոխակերպման ֆոնին։
«Մեր շարունակական աճը վկայում է, որ SADA-ն հավատարիմ է բիզնես արդյունքներ և հաճախորդների համար արժեքներ ապահովելու գործին, ինչին մենք հասնում ենք առաջատար լուծումներ և ծառայություններ տրամադրելու միջոցով։ Մենք ձգտում ենք դառնալ իսկական բիզնես գործընկերներ մեր հաճախորդների համար, քանի որ նրանք արդիականացնում են և զարգացնում իրենց բիզնեսը մեզ և Google Cloud-ի հետ միասին»,- նշէլ է SADA-ի գործադիր տնօրեն Թոնի Սաֆոյանը:
Որպես հաճախորդների հաջողության պատմության օրինակներ, SADA-ն նշել է իր աշխատանքը GoEasyCare հարթակի, Questrade ընկերության և Hexact-ի հետ։
Այսպիսով, SADA-ն տարեցտարի ավելացրել է AI և ML հաճախորդների նախագծերը 306%-ով, ինչը պայմանավորված է գեներատիվ AI-ի ծառայության ներգրավմամբ։ Բացի դրանից, GenAI-ի հնարավորությունները զարգացնելու նպատակով SADA-ն կրկնապատկել է նախնական վաճառքները և տեխնիկական ռեսուրսները՝ գաղափարից մինչև կառուցում, կառուցումից մինչև ներդրումների վերադարձ փուլերում: Գեներատիվ AI-ի նախավաճառքով զբաղվող ինժեներները հասանելի են ամբողջ գործընթացի ընթացքում ներկա և ապագա հաճախորդներին աջակցելու համար:
SADA-ն առաջին ընկերություններից է աշխարհում, որը կարող է պաշտպանել հաճախորդների տվյալները և համակարգերը զարգացող անվտանգության սպառնալիքներից: SADA-ի Cloud Security Confidence ծրագիրը ներառում է Վստահության գնահատում կազմակերպությունների համար։
Կարդացե՛ք նաև՝
- Hoory AI հայկական ստարտափը Product Hunt-ում է
- Հայկական Activeloop-ը 11 միլիոն դոլար է ներգրավել
- Doing Digital Forum-ը վերադառնում է՝ «Հնարավորություններին ընդառաջ» խորագրով
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
