Instagram-ը ներկայացրել է անձնական հաղորդագրություններում ալիքներ ունենալու հնարավորությունը: Նոր գործառույթի մասին պատմել է Մարկ Ցուկերբերգը Facebook-ի իր էջում:
Նա հրավիրել է հետևորդներին՝ միանալու իր Meta Channel-ին, որտեղ խոստացել է կիսվել ընկերության պրոդուկտների մասին նորություններով: Այժմ ալիքի հետևորդների թիվը մոտենում է 300 հազարին:
Արդեն ալիքում Ցուկերբերգը պատմել է, որ այդ ձևաչափը տեքստային գրառումների, նկարների, հարցումների, ինչպես նաև մասնակիցների կողմից «ռեակցիաներ» ուղարկելու և քվեարկելու համար է: Ալիքի մասնակից կարող են դառնալ այդ ալիքը ստեղծողի հետևորդները:
Առաջիկա ամիսները ընկերությունը պլանավորում է նման ալիքներ ավելացնել նաև Facebook-ում և Messenger-ում:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
