2023թ. վերջին Facebook և Instagram սոցցանցերում նոր մեծ փոփոխություններ են սպասվում։ Մասնավորապես՝ նորությունների ժապավենում (News Feed) գերակշռելու են ալգորիթմի առաջարկած հրապարակումները (recommendations), ներդրողների համար զեկույցում հայտարարել է Մարկ Ցուկերբերգը։
Դեռ հուլիսի սկզբին օգտատերերը ակտիվ արշավ էին սկսել սոցցանցի գործող քաղաքականության դեմ։ Նրանք բողոքում էին, որ հարթակը գնալով ավելի է հեռանում իր սկզբնական կոնցեպտից և կրկնօրինակում Tik Tok-ին։ Շարժմանը միացել էին նաև համաշխարհային ինֆլուենսերներ։
Սակայն, ինչպես երևում է, Meta-ի ղեկավարն անում է օգտատերերի պահանջի ճիշտ հակառակը։ Նրա խոսքով՝ նորությունների ժապավենում կոնտենտի 15%-ը Facebook-ում և «անհամեմատ ավելի մեծ մասը» Instagram-ում ձևավորվում է այն հաշիվներից, որոնց օգտատերերը հետևում են։ Այս թվերը 2023թ. վերջին կկրկնապատկվեն։ Ցուկեբերգի կարծիքով, այս փոփոխությունները դրական ազդեցություն կունենան օգտատերի ներգրավվածության և News Feed-ի որակի վրա։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
