Այսօր Իլոն Մասկին պատկանող X (նախկին Twitter) սոցիալական ցանցում գլոբալ խափանում է տեղի ունեցել, որը տևել է ավելի քան մեկ ժամ։
Պլատֆորմի օգտատերերից դժգոհություններ են եղել, որ անհայտ սխալի արդյունքում նրանք չեն կարողացել կարդալ հրապարակումները։ X Pro հավելվածը, որը նախկինում հայտնի էր որպես TweetDeck, նույնպես չի աշխատել:
Օգտատերերը պահպանել են Spaces-ի աուդիո սենյակներին միանալու և ծանուցումները դիտելու հնարավորությունը, սակայն գրառումներն անհետացել են հոսքերից և պրոֆիլներից, դրանք նաև դադարել են բացվել ուղիղ հասցեների միջոցով: DownDetector վեբ մոնիտորինգի հարթակը գրանցել է ավելի քան 80 հազար բողոք, որոնք սկսել են գրանցվել Խաղաղ օվկիանոսի ժամանակով 21:10-ին (Երևանի ժամանակով 9:10-ին):
Այս պահին, կարծես թե, հարթակի աշխատանքը վերականգնվել է։ Սա հուլիսից սկսած առաջին խոշորամասշտաբ խափանումն է սոցցանցում։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար: