ՏԿԵ նախարար Դավիթ Խուդաթյանը աշխատանքային հանդիպում է ունեցել Wizz Air ավիաընկերության առտրային գծով գլխավոր տնօրեն Իան Մալինի հետ։ Զրույցի ընթացքում հայտարարվել է, որ «Wizz Air»-ն արդեն թվով 3-րդ օդանավն է բազավորում Երևանի Զվարթնոց օդանավակայանում։
Առաջիկայում «Wizz Air»-ը կմեկնարկի 2 նոր ուղղություններով թռիչքներ դեպի Բրյուսել և Այնդովեն։
- Երևան – Էյնդհովեն (Նիդերլանդներ). 2026 թ. հոկտեմբերի 26-ից, շաբաթական 3 չվերթ (երկուշաբթի, չորեքշաբթի, ուրբաթ)։ Տոմսերի արժեքը՝ սկսած 56 եվրոյից։
- Երևան – Բրյուսել (Բելգիա). 2027 թ. փետրվարի 1-ից, շաբաթական 3 չվերթ (երկուշաբթի, չորեքշաբթի, ուրբաթ)։ Տոմսերի արժեքը՝ սկսած 37 եվրոյից։
Բացի նոր ուղղություններից, Wizz Air-ն ավելացնում է նաև արդեն իսկ գործող երթուղիների թռիչքների քանակը: Դեպի Բուդապեշտ իրականացվող շաբաթական 2 չվերթի փոխարեն այսուհետ կլինի 4-ը, իսկ Ֆրանկֆուրտի ուղղությամբ թռիչքների թիվը 2-ից կդառնա 3: Դեպի Պրահա չվերթների հաճախականությունը կհասնի շաբաթական 4-ի:
Այս փոփոխությունների արդյունքում ավիաընկերությունը Հայաստանից թռիչքներ կիրականացնի ընդհանուր առմամբ 18 ուղղություններով դեպի աշխարհի 10 երկիր:
Կարդացեք նաև՝
Ուղիղ չվերթներ Հայաստանից. ու՞ր կարող եք մեկնել 2026-ին
