Հայկական Wirestock-ը, որը մշակել է վիզուալ բովանդակություն ստեղծողներին ու սթոք հարթակներին կապող գործիք, հայտնել է Envato, Imago, Miricanvas և JumpStory հարթակների հետ նոր համագործակցության մասին, ինչը նոր հնարավորություններ է ստեղծում Wirestock-ի 150,000 օգտատերերի համար։
Wirestock-ը ավտոմատացնում է բովանդակությունը տարբեր հարթակներում հասանելի դարձնելու գործընթացը, ներառյալ բանալի բառերի սահմանումը և նկարագրությունները՝ օգտագործելով արհեստական բանականության հնարավորությունները: Հարթակը հնարավորություն է տալիս նաև բովանդակության ստեղծողներին լիցենզավորել իրենց նկարները և հասանելի դարձնել իրենց բովանդակությունը միաժամանակ մի քանի հարթակներում:
Ավելի վաղ հայտնել էինք, որ Wirestock-ը համագործակցություն է սկսել Getty Images-ի հետ։
Wirestock-ի մասին How2B-ի հոդվածը՝ այստեղ:
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
