Գերմանական Հայդելբերգ քաղաքում նոր «տեսարժան վայր» է հայտնվել՝ հսկայական շենք, որը տպագրվել է 3D տպիչով։ 600 քառակուսի մետր մակերեսով շենքը ստեղծվել է ընդամենը 140 ժամում՝ մինչ այժմ սա ռեկորդային է։
Wave House-ը (այսպես կոչվել է իր անսովոր ալիքաձև ձևի համար) կտեղակայի տվյալների կենտրոն՝ Գերմանիայի խոշորագույն մշակողներից մեկի սերվերներով: Ծրագիրն իրականացրել է Peri 3D Construction ընկերությունը։ Շինարարության համար օգտագործվել է COBOD BOD 2 տպիչ:
Շենքը տպագրված է ցեմենտանման խառնուրդից։ Նույնը կիրառվում է սոցիալական տների համար, որոնք նույնպես կառուցված են Peri 3D Construction-ի կողմից։
Ընկերությունը վստահ է, որ 3D տպագրությունը շինարարության ապագան է: Դրա շնորհիվ շենքերը կարող են կառուցվել արագ և գործնականում առանց ստեղծագործական գաղափարների սահմանափակման:
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
