2022թ. առաջին կիսամյակում Հայաստան այցելած զբոսաշրջիկների թիվը կազմել է 588 731 մարդ՝ նախորդ տարվա 243 076-ի փոխարեն՝ աճելով 2,4 անգամ, հաղորդում է Ազգային վիճակագրական կոմիտեն:
Ամենամեծ քանակությամբ զբոսաշրջիկներ Հայաստան այցելել են Ռուսաստանից (251 035 մարդ կամ 42,6%), Վրաստանից (4 703 մարդ կամ 10,7%) և Իրանից (48 122 մարդ կամ 8,2%): Բացի այդ, բավականին մեծ թվով զբոսաշրջիկներ այցելել են նաև ԱՄՆ-ից, Գերմանիայից, Ֆրանսիայից, Ուկրաինայից, Բելառուսից, Հնդկաստանից և Ղազախստանից:
Միևնույն ժամանակ, 2022թ. առաջին կիսամյակում գրեթե եռապատկվել է Հայաստանից այլ երկրներ որպես զբոսաշրջիկ մեկնած մարդկանց քանակը՝ 118 085-ից հասնելով 343 553-ի:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
