Google-ը հայտարարել է 2024 թվականի Google Play’s Best մրցույթի հաղթողներին ԱՄՆ-ում՝ ներկայացնելով այս տարվա ամենաակնառու հավելվածները, խաղերը և գրքերը տարբեր կատեգորիաներում:
«Այս տարվա մրցանակաբաշխությունը ոչ միայն ցուցադրում է զարմանալի հավելվածներ, խաղեր և գրքեր, դա նաև շնորհակալություն է տաղանդավոր ծրագրավորողներին, ովքեր Android-ի էկոհամակարգն այսքան կենսունակ են դարձնում՝ ստեղծելով ֆանտաստիկ հավելվածներ և խաղեր ձեր բոլոր սարքերի համար», – նշվում է Google-ի բլոգում:
Google-ը նշել է, որ Google Play-ը 2024 թվականին դարձել է ավելին, քան պարզապես հավելվածների խանութ։ Ձգտելով աջակցել մշակողներին՝ ընկերությունը բարելավել է հասանելիությունը, ընդլայնել է խաղային փորձը, ավելացրել է ստեղծագործողների պարգևները և ապահովել բովանդակության ժամանակին առաքում։ Google-ը հույց ունի, որ մշակողները և հրատարակիչները կշարունակեն օգնել մարդկանց գտնել նոր հավելվածներ, խաղեր և գրքեր՝ որտեղ էլ որ լինեն, ցանկացած սարքում:
Միջոցառումների պլանավորման հարթակ Partiful-ը ճանաչվել է 2024 թվականի լավագույն հավելված՝ իր ինտուիտիվ դիզայնի և հրավերներ ստեղծելու նոր մոտեցման համար։ Հավելվածն առանձնահատուկ է իր ներկառուցված Party Genie գործիքով, որն օգնում է օգտագործողներին արագ ձևավորել հրավերներ և պոտենցիալ մասնակիցներին առաջարկել արագ տարբերակ՝ հաստատելու իրենց մասնակցությունը՝ հասարակ հղումի միջոցով։
Fantasy RPG AFK Journey-ը ճանաչվել է 2024 թվականի լավագույն խաղ Google Play-ում՝ շնորհիվ իր ընդարձակ կերպարների ցուցակի և զվարճալի մարտավարական մարտական համակարգի:
Max-ը ճանաչվել է «Լավագույն մուլտիպլատֆորմ» հավելված՝ շնորհիվ հեռուստատեսային շոուների, ֆիլմերի և օրիգինալ բովանդակության, ինչպես նաև բազմաթիվ սարքերում դիտումը շարունակելու հնարավորության: Հավելվածն ապահովում է դիտման առավելագույն հարմարավետություն՝ անկախ օգտատիրոջ գտնվելու վայրից և նրա օգտագործած սարքից:
Clash of Clans-ը հաղթել է «Լավագույն մուլտիպլատֆորմ խաղ» անվանակարգում: Չնայած խաղը գոյություն ունի ավելի քան մեկ տասնամյակ, դրա ժողովրդականությունը մեծացել է այս տարի՝ Chromebook-ներում տեղակայվելով:
Հաղթողների ամբողջական ցանկը հասանելի է Google Play-ի 2024 թվականի «Play’s Best of 2024» էջում:
