TechChill տեխնոլոգիական միջոցառման շրջանակում կազմակերպվող ամենամյա Fifty Founders Battle ստարտափ մրցույթն ընդունում է հայտեր։ Մասնակցել կարող են նաև հայակական ստարտափները։
Fifty Founders Battle-ը TechChill-ի ամենամյա մրցույթն է վաղ փուլի ստարտափների համար: Բոլոր մասնակիցներից կընտրվեն 50 ամենահեռանկարային ստարտափներ Բալթյան, Սկանդինավյան, Կենտրոնական և Արևմտյան Եվրոպայի տարածաշրջաններից, ինչպես նաև մնացած աշխարհից: Կիսաեզրափակչի յուրաքանչյուր մասնակից հնարավորություն կունենա ներկայացնելու իր բիզնես գաղափարը TechChill-ի բեմում ավելի քան 200 ներդրողների և այլ մասնակիցների առջև:
TechChill-ը BADideas.fund-ի, DEPO Ventures-ի, Diaspora VC-ի և Acrobator VC-ի հետ համատեղ ստարտափ մրցույթի մասնակիցներին հատկացրել է 350 000 եվրո սինդիկատային ներդրումային հնարավորություն:
Բոլոր իրավասու հայտերը կգնահատվեն VC-ների, աքսելերատորների, հրեշտակների ներդրողների և ոլորտի փորձագետների կողմից: Առաջին փուլում գնահատողները կկենտրոնանան բիզնես գաղափարի, դրա մասշտաբայնության, դրա հետևում կանգնած թիմի և հայտի ընդհանուր որակի վրա:
TOP 10-յակը բաղկացած կլինի 5 ստարտափից, որոնք նախապես կընտրվեն են սինդիկատ գործընկերների կողմից և ևս 5 ստարտափներից, որոնք կընտրվեն ներդրողների ժյուրիի կողմից TechChill-ի բեմում տեղի ունեցող TOP 50 կիսաեզրափակիչում:
Բոլոր ստարտափները կպայքարեն 10 հազար եվրո մրցանակի համար, իսկ ժյուրիի կողմից ընտրված միայն 5 ստարտափներ կարող են հավակնել 200 հազար եվրո սինդիկատ ներդրումային մրցանակի համար:
TechChill-ը կանցկացվի Ռիգայում՝ ապրիլի 17-19-ը։ Հայտերի ընդունման վերջնաժամկետը մարտի 4-ն է։ Մրցույթի բոլոր մանրամասները հասանելի են այստեղ։
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին:
