Հարվարդի և Բոստոնի համալսարանների գիտնականների թիմը էկզոկմախք է մշակել, որը կարող է օգնել Պարկինսոնի հիվանդությամբ տառապող մարդկանց քայլել: Փորձագետներն արդեն հաջողությամբ փորձարկել են մշակումը:
Գիտնականները հետազոտություն են անցկացրել, որը հրապարակվել է Nature Medicine ամսագրում, որը նկարագրում է, թե ինչպես «փափուկ» ռոբոտային էկզոկմախքները կարող են օգնել լուծել Պարկինսոնի հիվանդությամբ հիվանդների մոտ տարածված «սառեցման» խնդիրը:
Այս համախտանիշը հանգեցնում է նրան, որ մարդը կորցնում է հավասարակշռությունը քայլելիս, ինչի հետևանքով նա կրճատում է քայլերը, իսկ հետո ընդհանրապես կանգնում կամ ընկնում:
«Փափուկ» էկզոկմախքը, օգտագործելով սենսորների համակարգ, հարմարվում է որոշակի մարդու քայլվածքի առանձնահատկություններին: Հենց որ սարքը հայտնաբերում է շարժումների սառեցման նախադրյալները, մեխանիզմն ակտիվանում և աննկատ շարժման ազդակ է հաղորդում ոտքերին։
Հետազոտողները վեց ամիս աշխատել են Պարկինսոնի հիվանդությամբ տառապող 73-ամյա տղամարդու հետ, ով օրական ավելի քան տասը անգամ շարժման սառեցումով է տառապել։
«Ազդեցությունն անմիջապես եղավ։ Առանց որևէ հատուկ ուսուցման, հիվանդը կարողանում էր քայլել առանց շարժումների սառցման ոչ միայն տանը, այլև երբեմն դրսում: Նա նաև կարողանում էր քայլել և խոսել միաժամանակ առանց տեղում անշարժանալու, ինչը հազվադեպ երևույթ է առանց սարքի»,- ասվում է հոդվածում։
Հետազոտական թիմը կշարունակի աշխատել էկզոկմախքի վրա, ինչպես նաև պատրաստ է լիցենզավորել մշակումը նման սարքերի բոլոր շահագրգիռ արտադրողներին:
Գիտնականները կարծում են, որ նման տեխնոլոգիայի ստեղծումը կօգնի լուծել հենաշարժողական համակարգի խանգարումներով տառապող մարդկանց սոցիալականացման խնդիրը, ինչպես նաև զգալիորեն կբարելավի նրանց կյանքի որակը։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
