Տեխնիկայի հետգնման ռուսական DamProdam ծառայությունը, հայկական շուկա է մտել DramDram ապրանքանիշով։ Այս մասին RB.RU-ին հայտնել է ընկերության ներկայացուցիչը։
Ծառայությունը հնարավորություն է տալիս հավելավճարով փոխանակել հին գաջեթները նորերի հետ: Ծրագրի ներդրողները երկու բիզնես հրեշտակներ են, որից մեկը Յանդեքսի նոր արտադրանքի տնօրեն Դմիտրի Ստեպանովն է։ Սակայն ընկերությունը չի հայտնում ներդրումների չափը։
Ծառայության գործընկերը հայաստանում հեռահաղորդակցության օպերատոր «Տելեկոմ Արմենիան» է:
Երևանում ընդամենը 90 րոպեում դուք կարող եք ստուգել, վաճառել և փոխանակել հին գաջեթները DramDram-ի միջոցով: Այն կարող եք անել նաև օնլայն՝ պարզապես լրացնելով առցանց հայտը:
Հայաստանի այլ քաղաքների բնակիչները առցանց ստուգումից հետո սարքը կարող են փոխանակել փոստով։
«DamProdam»-ը թույլ է տալիս վաճառել օգտագործված գաջեթներ՝ iPhone, Samsung, iPad և MacBook կամ Apple Watch՝ անմիջապես գումար ստանալով։ ՌԴ-ում ծառայությունը գործում է Մոսկվայում և Սանկտ Պետերբուրգում, որը գործարկվել է 2017թ.-ին:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։