Առնվազն 630 միլիոն դոլարով Forbes Media-ն քննարկում է բիզնեսը վաճառելու հնարավորությունը: Այս գնահատականն ընկերությունը տվել էր 2022թ. բորսա դուրս գալու մտադրություն հայտնելու նախօրեին, սակայն չեղարկել էր բաժնետոմսերի տեղաբաշխման գործարքը։ Այս մասին գրում է Forbes ամսագրի ռուսական պարբերականը՝ վկայակոչելով The New York Times-ին:
Սակայն վերջերս Citigroup-ի պատրաստած՝ հրատարակության ֆինանսական ցուցանիշները ներառող առաջարկը շրջանառվել է ամերիկյան մեդիա հոլդինգների շրջանում (ներառյալ Yahoo-ն), ըստ որի 2021 թվականին Forbes-ը ստացել է ավելի քան $200 միլիոնի եկամուտ եւ ավելի քան $40 միլիոնի շահույթ:
Forbes ամսագիրը հիմնադվել է 1917 թվականին և հայտնի է մեծահարուստ գործարարների իր վարկանիշով։ 2021 թվականին Forbes-ը հայտարարել էր, որ իր հրապարակումներում, միջոցառումների ընթացքում եւ մարքեթինգային նախագծերում անդրադարձել է ավելի քան 150 միլիոն մարդու:
Forbes ընտանիքը 2014 թվականին վաճառել էր բաժնետոմսերի վերահսկիչ փաթեթը Հոնկոնգում տեղակայված Integrated Whale Media Investments ընկերությանը։ Գործարքի ընթացքում Forbes Media-ն այն ժամանակ գնահատվել էր $475 միլիոն։
Forbes-ը տարեկան ութ անգամ տպագիր ամսագիր է հրատարակում Միացյալ Նահանգներում։ Այն ունի 45 լիցենզավորված տեղական տարբերակ 76 երկրում: Ռուսաստանում ամսագիրը լույս է տեսնում 2004 թվականի ապրիլից։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
