Picsart-ը իր բլոգում հայտնել է արհեստական բանականության միջոցով ստեղծված նոր տառատեսակների մասին։
Տառատեսակները Picsart-ի ամենահայտնի գործիքներից են, որոնք ամեն ամիս կիրառվում են միլիոնավոր պատկերների վրա:
Այն, ինչ սկսվել էր որպես Picsart Hackathon նախագիծ 2021 թվականին, վերածվել է արհեստական բանականության կողմից ստեղծված տառատեսակների առաջին հավաքածուի: Picsart Gold-ի օգտատերերն արդեն հասանելիություն ունեն արհեստական բանականության կողմից ստեղծված ավելի քան 30 տառատեսակներ ինչպես հավելվածում, այնպես էլ վեբ հարթակներում, և, ինչպես նշում է ընկերությունը, դրանց թիվն ամեն ամիս ավելացվելու է:
Տառատեսակներն օգտագործելու համար Picsart web tools -ի տառատեսակների բաժնի որոնման սյունակում պետք է նշել AI Fonts և ընտրել AI Lab բառերը պարունակող տառատեսակները։ Հավելվածն օգտագործելու դեպքում նույնպես գործում է նույն սկզբունքը։
Մեքենայի ստեղծած տառատեսակներն այսպիսի տեսք ունեն՝
Picsart-ը անվճար օգտագործման բովանդակության, հզոր գործիքների և ստեղծագործողների ոգեշնչման ամբողջական էկոհամակարգ է: Այն աշխարհի ամենամեծ ստեղծագործական հարթակն է՝ մեկ միլիարդ ներբեռնումներով և ամսական ավելի քան 150 մլն ակտիվ ստեղծագործողներով:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
