ChatGPT չաթբոտի ստեղծողը՝ ամերիկյան OpenAI ընկերությունը, փորձարկում է Sora AI մոդելը՝ տեքստը տեսանյութի վերածելու համար, այս մասին հայտնել է ընկերությունը իր պաշտոնական կայքում։
«Մենք սովորեցնում ենք AI-ին հասկանալ և մոդելավորել շարժման մեջ գտնվող ֆիզիկական աշխարհը՝ նպատակ ունենալով մարզելու մոդելներ, որոնք օգնում են մարդկանց լուծել իրական աշխարհի փոխազդեցություն պահանջող խնդիրները»,- հայտնել է ընկերությունը։
Ինչպես պարզաբանել են մշակողները, Sora-ն կարող է ստեղծել մինչև մեկ րոպե տևողությամբ բարդ տեսարաններ բազմաթիվ կերպարներով, առարկաների ճշգրիտ մանրամասներով և ֆոնով, այն նաև կարող է ճշգրիտ վերարտադրել կերպարների զգացմունքները:
Այս նորարարությունը առայժմ միայն որոշ արվեստագետների, դիզայներների և ռեժիսորների համար է հասանելի:
Բացի տեքստային նկարագրություններից, Sora-ն կարող է նաև ստեղծել տեսանյութեր հիմնված ստատիկ պատկերներիի վրա, առկա տեսանյութի բացակայող հատվածները լրացնել կամ շարունակել դրանք: Այնուամենայնիվ, OpenAI-ը նշում է, որ այն դեռ փորձարկման փուլում է և կարող է սխալներ թույլ տալ բարդ տեսարաններ մոդելավորելիս։
Միացե՛ք How2B-ի Տելեգրամյան ալիքին՝ ֆինանսաբանկային ամենահետաքրքիր նորությունները բաց չթողնելու համար:
