Ամերիկացի միլիարդատեր Իլոն Մասկը Տեխաս նահանգի Օսթին քաղաքի մերձակայքում նոր գնած ահռելի հողատարածքներում նախատեսում է կառուցել իր սեփական քաղաքը, այս մասին հայտնում է The Wall Street Journal-ը՝ հղում անելով սեփական աղբյուրներին։
Հողատերերի և անշարժ գույքի գործակալների հետ հանդիպումների ժամանակ Մասկը և նրա ընկերությունների աշխատակիցները նկարագրել են քաղաքի ապագայի իրենց տեսլականը՝ որպես Կոլորադո գետի երկայնքով ձգվող տեխասյան ուտոպիա, որտեղ կարող են ապրել ձեռնարկատիրոջ ընկերությունների աշխատակիցները:
Ծրագրվող քաղաքը հարում է Մասկի SpaceX-ի և The Boring Company-ի տարածքներին։
Ապագա քաղաքի տեղանքն արդեն ունի բացօթյա սպորտային տարածք, լողավազան, մի խումբ մոդուլային տներ և մարզասրահ։ Տարածքի մուտքի մոտ փակցված են ցուցանակներ՝ «Բարի գալուստ Սնեյլբրուկ, Տեխաս»։
Տեխասի օրենքի համաձայն՝ քաղաքը պետք է ունենա առնվազն 201 բնակիչ՝ նախքան գրանցման համար դիմելը: Բաստրոպ շրջանը, որտեղ պետք է գտնվի քաղաքը, առայժմ դիմում չի ստացել Մասկից կամ նրա կազմակերպություններից որևէ մեկից։
![Իլոն Մասկը Տեխասում սեփական քաղաք-ուտոպիան կկառուցի 1 Իլոն Մասկը Տեխասում սեփական քաղաք-ուտոպիան կկառուցի](https://how2b.am/wp-content/uploads/sites/2/2023/03/68659555-11855297-image-m-79_1678738378828.png)
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։