2024 թվականի մայիսի 6-ից ուժի մեջ են մտել առևտրային ցանցերի և մատակարարների արդար առևտրի ապահովմանը և գյուղատնտեսական արտադրանքի դիմաց ուշ վճարումների հարցի կարգավորմանն ուղղված օրենսդրական փոփոխությունները, տեղեկանում ենք Մրցակցության պաշտպանության հանձնաժողովի հայտարարությունից:
Նոր կարգավորումների արդյունքում՝ գյուղատնտեսական արտադրանք ձեռք բերած բանակցային ուժեղ դիրք ունեցող տնտեսավարողը պարտավոր է գյուղատնտեսական արտադրանքի դիմաց վճարել 30 օրացուցային օրվա ընթացքում:
Առևտրային ցանցը պարտավոր է մատակարարին վճարել սննդամթերքի համար՝ ոչ ուշ, քան 30, իսկ ոչ պարենային ապրանքների համար՝ ոչ ուշ, քան 60 օրվա ընթացքում:
Վերոնշյալ ժամկետում վճարումները չիրականացնելը կարող է համարվել բանակցային ուժեղ դիրքի չարաշահում, որի համար օրենքով սահմանված է պատասխանատվություն՝ տուգանք տնտեսավարող սուբյեկտի՝ տվյալ իրավախախտմանը նախորդող տարվա հասույթի մինչև տասը տոկոսի չափով:
Մանրամասներին կարող եք ծանոթանալ հետևյալ հղումներով՝
https://www.arlis.am/documentview.aspx?docid=189457
https://www.arlis.am/documentview.aspx?docid=189452
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
